Neft Fondunun büdcəsi, aktivləri
Dövlət Neft Fondunun (DNF) 2022-ci il büdcəsində gəlir proqnozu 10,6 milyard manata, xərc proqnozu 12,8 milyard manata yaxındır. Xərc istiqamətləri rəsmi büdcədə belə sıralanır:
2022-ci ilin dövlət büdcəsinə köçürmə – 12 milyard 710 milyon manat;
Azərbaycanda ali təhsil sisteminin beynəlxalq rəqabətliliyi proqramının (2019-2023-cü illər) maliyyələşdirilməsi – 27 milyon 836 min manat;
Azərbaycan gənclərinin nüfuzlu xarici ali təhsil müəssisələrində təhsil imkanlarının genişləndirilməsi proqramının maliyyələşdirilməsi – 17 milyon 850 min manat;
Dövlət Neft Fondunun idarə edilməsi – 33 milyon 988,6 min manat.
DNF 1999-cu ildə yaradılıb. 2021-ci il oktyabrın 1-nə fondun aktivləri 44 milyard 226,4 milyon ABŞ dollarına bərabər olub.
