Ticarətdə tərəfdaş
Dövlət Gömrük Komitəsinin hesabatına görə, 2021-ci ilin yanvar-noyabr aylarında Azərbaycanın əsas ticarət tərəfdaşı İtaliya olub. Bu ölkə ilə 11 aylıq ticarət dövriyyəsi 8,5 milyard dollar göstərilir.
Türkiyə ilə ticarət dövriyyəsi 4,2 milyard dollar, Rusiya ilə 2,6 milyard dollar, Çinlə 1,6 milyard dollar, Almaniya ilə 1 milyard 59,8 milyon dollar dəyərində rəsmiləşib.
Novator.az bildirir ki, qalan əsas ticarət tərəfdaşları dövriyyəyə görə belə sıralanır:
Ukrayna – 866,4 milyon dollar
İsrail – 818,3 milyon dollar
Xorvatiya – 754,5 milyon dollar
Hindistan – 724,9 milyon dollar
Gürcüstan – 684,8 milyon dollar
İspaniya – 635,5 milyon dollar
Portuqaliya – 603 milyon dollar
Böyük Britaniya – 589,8 milyon dollar
Tunis – 485,1 milyon dollar
ABŞ – 462,6 milyon dollar.
