Sabiq nazir müavini Eldar Həsənovun məhkəməsində nələr dedi?
Azərbaycanın Belçikada səfiri və Avropa İttifaqı yanında nümayəndəliyinin başçısı Vaqif Sadıqov dekabrın 22-si Bakı Ağır Cinayətlər Məhkəməsində şahid ifadəsi verib. Vaqif Sadıqov 2004-2010-cu illərdə xarici işlər nazirinin müavini postunu tutub.
Bakı Ağır Cinayətlər Məhkəməsi 2001-2020-ci illərdə Azərbaycanın Rumıniya, Serbiya, Monteneqro, Bosniya və Herseqovinada səfiri olmuş dövlət xadimi Eldar Həsənovu mühakimə edir.
Azadliq.org-un məlumatına görə, Eldar Həsənova ittihamlardan biri səfirlik üçün bina alınarkən qiymətin artıq göstərilməsi və bu yolla milyonlarla büdcə vəsaitinin mənimsənilməsidir. Vaqif Sadıqov nazir müavini olduğu dövrdə xaricdə səfirlik binalarının alınması üçün yaradılmış hökumət komissiyasına sədrlik edib. Almaq üçün təklif olunan binalara həmin komissiya baxış keçirib, rəy verib.
22 dekabr ifadəsində Vaqif Sadıqov deyib ki, səfirlik üçün uyğun hesab olunan binalara baxır, qiymətlərlə maraqlanır, əmlak sahibləri ilə danışıqlar aparırdılar: “Altı-yeddi binaya baxıb birini seçir, Xarici İşlər Nazirliyinə təqdim edirdik. Nazirlik də həmin binanı Nazirlər Kabinetinə təqdim edirdi. Nazirlər Kabineti qərar verəndən sonra Maliyyə Nazirliyi pul ayırırdı.
Eldar Həsənovun səfir olduğu Serbiyada da bina eyni qaydada alınıb. Danışıqlar ev sahibinin özü ilə aparılıb, səfir Eldar Həsənov nə bina seçiminə, nə də qiymət məsələsinə qarışıb. Eldar Həsənovun bizə nəyisə təqdim etməyə, təyinata ixtiyarı yox idi. O göstəriş verə bilməzdi ki, biz kimisə işə götürək, yaxud da kimisə çıxaraq. Alınması nəzərdə tutulan binaların qiymətlərini Əmlak Məsələləri Dövlət Komitəsi araşdırırdı. Qiymətlər real olanda razılıq verilirdi. Bina seçiləndən, pulu ödənəndən sonra səfirliyə təqdim olunurdu”.
Eldar Həsənovun cinayət işində adı ən çox adı hallananlardan biri də mərhum memar Eldar Hüseynovdur. Hər dəfə mərhumun adı səslənəndə Eldar Həsənov deyir ki, onun səfirliyə aidiyyəti yox idi, Eldar Hüseynovu Azərbaycan hökuməti humanitar layihələr üçün göndərirdi, ona diplomatik pasport da verilmişdi.
Dekabrın 22-də Vaqif Sadıqov bu haqda sualları cavablandırarkən təsdiqləyib ki, Eldar Hüseynovu Xarici İşlər Nazirliyi təhkim etmişdi, səfirlik onun fəaliyyətinə qarışmırdı: “O, Serbiyaya Taşmaydan parkında mərhum prezident Heydər Əliyevin heykəlinin ucaldılması üçün göndərilmişdi. Eldar Hüseynovu Prezident Administrasiyası təsdiqləmişdi. Humanitar layihəyə də səfirlik yox, Eldar Hüseynov cavabdeh idi”.
22 dekabr prosesində Eldar Həsənov da danışaraq deyib ki, istintaqda dindirilən 101 nəfərdən yalnız Araz Əliyev onun əleyhinə ifadə verib: “Bu da səbəbsiz deyil. Onu səlahiyyət müddətinin bitməsinə bir il qalmış geri qaytarmışam. Həbs etdirmədim, geri qaytardım”.
Eldar Həsənov əlavə edib ki, həbs olunduğu gün iş otağında, həm Belqradda, həm də Bakıda yaşadığı evlərdə qapını sındırıb axtarış aparıblar, bank kartlarını, tabel silahını və onun özünə aid sənədləri götürüblər, amma onların heç biri iş materiallarında yoxdur.
Eldar Həsənov 1955-ci il oktyabrın 10-da Kəlbəcərin Laçın kəndində doğulub. Bakıda indiki Azərbaycan Texniki Universitetini elektronika mühəndisi ixtisası, Moskvada SSRİ Daxili İşlər Nazirliyinin Akademiyasını hüquqşünas ixtisası ilə bitirib.
1977-ci ildən Azərbaycanın Daxili İşlər Nazirliyi sistemində çalışıb, müfəttiş, baş müfəttiş, cinayət-axtarış şöbəsinin rəis müavini, rəisi postlarını tutub, Bakının Nizami rayonunun, Gəncə şəhərinin milis rəisi, İnterpolun Milli Mərkəzi Bürosunun rəisi, daxili işlər nazirinin birinci müavini olub.
1993-1995-ci illərdə baş prokurorun birinci müavini, 1995-2000-ci illərdə baş prokuror vəzifəsində xidmət edib. Ədliyyə general-leytenantıdır.
2001-ci il martın 28-dən Eldar Həsənov Azərbaycanın Rumıniyada fövqəladə və səlahiyyətli səfiri olub, 2009-cu il sentyabrın 14-dən ölkəni həmçinin Serbiyada, 2010-cu il iyulun 28-dən eyni zamanda Monteneqroda, həmin il avqustun 31-dən həmçinin Bosniya və Herseqovinada təmsil edib. 2013-cü il martın 28-də onun Rumıniyadakı təmsilçiliyinə xitam verilib.
2020-ci il iyulun 3-dən Dövlət Təhlükəsizliyi Xidməti Xarici İşlər Nazirliyində istintaq-əməliyyat tədbirləri aparıb, bir neçə yüksək vəzifəli məmur həbs edilib.
İyulun 16-da prezident İlham Əliyev Elmar Məmmədyarovu xarici işlər naziri vəzifəsindən çıxarıb, həmin posta Ceyhun Bayramov təyinat alıb.
Avqustun 13-də Dövlət Təhlükəsizliyi Xidməti Xarici İşlər Nazirliyinin fəaliyyət istiqamətləri üzrə maliyyə yoxlamaları zəminində Serbiya, Monteneqro, Bosniya və Herseqovinadakı səfir Eldar Həsənovun tutulduğunu açıqlayıb. Eldar Həsənov həmin gün səhər Bakıda evindən çıxaraq Xarici İşlər Nazirliyinə, nazirlə əvvəlcədən razılaşdırılmış görüşə gedərkən tutulub.
Avqustun 14-də Səbail Rayon Məhkəməsi Eldar Həsənov barəsində həbs qətimkan tədbiri seçib.
Eldar Həsənova maliyyə pozuntularına yol verilməsi, dövlətə külli miqdarda ziyan vurulması üzrə ittihamlar irəli sürülüb. O, ittihamları rədd edir.
Həbs olunduğu gündən Dövlət Təhlükəsizliyi Xidmətinin istintaq təcridxanasında saxlanan Eldar Həsənov Bakı Ağır Cinayətlər Məhkəməsində 2021-ci il sentyabrın 3-dən mühakimə olunur.
Prosesə məhkəmə sədrinin müavini Əfqan Hacıyev sədrlik edir, hakimlər kollegiyasına Əhməd Quliyev və Zeynal Ağayev də daxildir.
Səhhəti ağır olan Eldar Həsənov 2021-ci ildə üç dəfə (iyul, avqust, oktyabr aylarında) Dövlət Təhlükəsizliyi Xidmətinin Hərbi Hospitalında müalicə alıb.
Eldar Həsənov hüquq elmləri doktoru, professordur. Gəncə Pedaqoji Universitetinin müəllimi, Azərbaycan Pedaqoji Universitetinin dosenti olub.
Mütəşəkkil cinayətkarlıq, xüsusilə terrorizm və narkotik vasitələrin qanunsuz dövriyyəsinə dair və digər mövzularda Azərbaycan, Türkiyə, Rusiya, Gürcüstan, Almaniya, Rumıniya, Makedoniya, Ukrayna, Serbiya, Monteneqroda nəşr olunmuş kitabların, dərslik və dərs vəsaitlərinin, elmi və publisistik əsərlərin müəllifidir.
Eldar Həsənov ailəlidir, iki qızı, bir oğlu, altı nəvəsi var. Onun övladları Türkiyədə yaşayır.
Eldar Həsənov həbsi barədə nə deyir?
Eldar Həsənovun bir istəyi təmin olundu
Eldar Həsənov xəbəri rəsmən təsdiqləndi
Eldar Həsənovun səhhəti yaxşı deyil
“Mənim düşmənim yoxdur, ermənidən başqa”
Eldar Həsənov qərarı dəyişirmi?
Ziyalıların prezidentə müraciəti
Eldar Həsənovun vəkili: “Səhhətində təhlükəli problemlər var”
Gənclərin prezidentə Eldar Həsənov müraciəti
Eldar Həsənovun vəkili nələr deyir?
Eldar Həsənovun vəkilləri prezidentə üz tutub
Avropa Məhkəməsi Bakıya Eldar Həsənovla bağlı sorğular göndərib
Eldar Həsənov prosesdə iştirakdan imtina edib. Məhkəmə qərar verib
Eldar Həsənovun qəbul etdiyi dərmanların siyahısı açıqlanıb
Avropa Məhkəməsindən Eldar Həsənov qərarı, tələb
Heydər Əliyev Eldar Həsənova Ərdoğanla bağlı nə tapşırmışdı?
Avropa Məhkəməsinin qərarı icra olunmur, vəziyyət ağırlaşır
Eldar Həsənovun işi yeni mərhələdə
“Adamlarımızı asanlıqla xərcləməyək!” (Eldar Həsənov barədə)
Eldar Həsənov Hərbi Hospitala köçürüldü
Eldar Həsənov reabilitasiya kursu keçir
Eldar Həsənov təcridxanaya qaytarılıb
Eldar Həsənovun vəkillərinin müraciəti
Eldar Həsənov yenə hospitaldadır
Eldar Həsənovun səhhəti daha da ağırlaşıb
Eldar Həsənovun işi məhkəməyə getdi
Eldar Həsənovun ittiham olunduğu maddələr
Eldar Həsənovun məhkəməsi təyin olunub
Eldar Həsənovun vəkili yeni açıqlama yayıb
Eldar Həsənovun işi: hazırlıq iclasının vaxtı dəyişdi
Eldar Həsənovun vəkili balaca zaldakı böyük problemlərdən söz açır
Eldar Həsənovun mühakiməsi, yeni vəsatətlər
Eldar Həsənov: “Qəsdimə yönələn istintaq aparılıb”
Eldar Həsənovun məhkəməsində gərginlik yaşanıb
Eldar Həsənov: “Fələk oğlu fələk də dözməz bu haqsızlıqlara”
Ev dustaqlığına yox deyildi. Eldar Həsənovun vəziyyəti yenə pisləşdi
“Hamınızın bildiyi şöbə müdiri xəbər göndərib ki…”
Eldar Həsənov məhkəmədə yenə özünü pis hiss edib
Eldar Həsənovun qızı Mehriban Əliyevaya müraciət edib
Eldar Həsənovun məhkəməsində bir mərhələ bitdi
Avropa Məhkəməsindən Eldar Həsənov sualları
Kəlbəcərlilərdən prezidentə Eldar Həsənov müraciəti
Eldar Həsənovun qızı: “Atamla bərabər həbs yaşayırıq”
Eldar Həsənov yenə hospitala köçürülüb
Eldar Həsənov təcridxanaya qaytarılıb
Kəlbəcərli ziyalılar Eldar Həsənova azadlıq istəyir
Eldar Həsənovun qızı: “Kömək edin, ədaləti bərpa edin”
108 yaşlı qadından Eldar Həsənov müraciəti
Eldar Həsənov qızına nə tapşırıb?
Proses 15 dəqiqə çəkib, Eldar Həsənov zaldan xərəkdə çıxarılıb
“Ayıbdır. Bu qədər qanunsuzluğa məəttəl qalmışam”
Eldar Həsənov: “Yaşamaq hüququmu tələb edirəm”
Avropa Məhkəməsi Eldar Həsənovla bağlı daha bir qərar qəbul edib
Eldar Həsənovun işi: bir iclasın özü və əks-sədası
