Neftsiz ixrac, əsas nöqtələr
Azərbaycan 2021-ci ilin yanvar-noyabr aylarında 2,3 milyard dollarlıq qeyri-neft məhsulu ixrac edib. Novator.az-ın məlumatına görə, hesabatı yayan Dövlət Gömrük Komitəsi bildirir ki, əsas ünvanlar siyahısına 763,8 milyon dollarla Rusiya başçılıq edir. Türkiyə (586 milyon dollar) ikinci, İsveçrə (204,5 milyon dollar) üçüncüdür.
11 ayda Gürcüstana 143,4 milyon, Braziliyaya 70,9 milyon, ABŞ-a 65,4 milyon, Ukraynaya 50,1 milyon, İtaliyaya 37,5 milyon, Qazaxıstana 35,8 milyon, İrana 31,3 milyon, Çinə 28,8 milyon, Belçikaya 26,5 milyon, Türkmənistana 24,8 milyon dollar dəyərində qeyri-neft ixracı rəsmiləşib.
Digər ölkələrin payı 290,7 milyon dollar göstərilir.
İqtisadi İslahatların Təhlili və Kommunikasiya Mərkəzinin hesabatına görə, 2021-ci ilin yanvar-noyabr aylarında Azərbaycanın qeyri-neft ixracı 2020-ci ilin eyni dövrü ilə müqayisədə 44% artıb.
