Çili sağdan sola adlayır
Çilidə prezident seçkisi yekunlaşıb. Novator.az bildirir ki, dekabrın 19-da keçirilmiş ikinci turda solçu namizəd Qabriel Boriç 55,9 faiz səslə qalib gəlib. Onun sağ təmayüllü rəqibi Xose Antonio Kast 44,1 faiz səs yığıb.
Noyabrın 21-də – ilk turda 7 iddiaçının heç biri 50 faizlik həddi aşa bilməmişdi.
Çilidə prezident 4 il müddətinə seçilir. Hazırda dövlət başçısı postunu sağ qüvvələrin təmsilçisi Sebastyan Pinyera tutur.
1986-cı il təvəllüdlü Qabriel Boriçin atası xorvat, anası ispandır. Hüquqşünasdır. O, səlahiyyətlərinin icrasına 2022-ci il martın 11-də başlayacaq.
