Bank sektorunun yeni statistikası
2021-ci il dekabrın 1-nə Azərbaycanda fəaliyyət göstərən 26 bankın 474 filialı, 97 şöbəsi olub, bank sektorunda 20035 nəfər çalışıb.
Mərkəzi Bankın statistik bülletenində bankların cəmi aktivləri 35 milyard 604,5 milyon manat, cəmi öhdəlikləri 30 milyard 632,4 milyon manat, yanvar-noyabr ayları üzrə xalis mənfəəti 614,1 milyon manat göstərilir.
Hesabata görə, dekabrın 1-nə Azərbaycanda 16 milyard 282 milyon manatlıq kredit, 9 milyard 51,7 milyon manatlıq əmanət rəsmiləşib. Novator.az bildirir ki, ilin əvvəlinə 14 milyard 157 milyon manat kredit, 8 milyard 177,9 milyon manat əmanət qeydə alınmışdı.
Statistikaya əsasən, dekabrın 1-nə ölkədə 786,3 milyon manatlıq problemli kredit olub. Yanvarın 1-nə qaytarılma vaxtı ötmüş kreditlərin həcmi 893,1 milyon manat idi.
