“Avroviziya”: 6 təmsilçi bəllidir
“Avroviziya 2022” mahnı müsabiqəsinə 41 ölkə qatılır. Yarışmanın vaxtı 10-14 may, ünvanı İtaliyanın Turin şəhəridir. Novator.az bildirir ki, hələlik 6 ölkənin təmsilçisi bəllidir:
Belçika – Jeremi Makiz
Bolqarıstan – “İntelligent Music Project” qrupu
Çexiya – “We Are Domi” qrupu
Gürcüstan – “Circus Mircus” qrupu
Niderland – Stin den Hollander
Yunanıstan – Amanda Tenford.
Yarışda iştirak hüququnu bu ölkələr də alıb: Albaniya, Almaniya, Avstraliya, Avstriya, Azərbaycan, Böyük Britaniya, Danimarka, Ermənistan, Estoniya, Finlandiya, Fransa, Xorvatiya, İrlandiya, İslandiya, İspaniya, İsrail, İsveç, İsveçrə, İtaliya, Kipr, Latviya, Litva, Malta, Moldova, Monteneqro, Norveç, Polşa, Portuqaliya, Rumıniya, Rusiya, San Marino, Serbiya, Sloveniya, Şimali Makedoniya, Ukrayna.
İctimai teleradioları bir araya gətirən Avropa Yayım Birliyi “Avroviziya” yarışını 1956-cı ildən keçirir. Müsabiqədə İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç 3, Almaniya, Avstriya, İspaniya, İsveçrə, Ukrayna 2 dəfə, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
