Püşk: Azərbaycanın rəqibləri bilindi
Dekabrın 16-da UEFA Millətlər Liqasının qrup raundunun püşkü atılıb. Yığma komandaların turniri olan Millətlər Liqasında qrup mərhələsi 2022-ci ilin iyun-sentyabr aylarında oynanacaq, 2023-cü ilin iyun ayına təyin olunmuş final mərhələsinə A divizionu qruplarının dörd qalibi çıxacaq.
Reqlamentə görə, A, B, C divizionlarında qrup zəifləri aşağı diviziona enəcək, B, C, D divizionlarında qrup qalibləri yuxarı diviziona yüksələcək, A, B, C divizionlarının ümumilikdə 3 güclü komandası 2024-cü ilin Avropa çempionatına vəsiqə alacaq.
Novator.az bildirir ki, C divizionunda yer alan Azərbaycan milli komandası 3-cü qrupa düşüb. Rəqiblər bunlardır: Slovakiya, Belarus, Qazaxıstan və ya Moldova.
Millətlər Liqası 2018-ci ildən keçirilir. 2018-2019 mövsümünü Portuqaliya, 2020-2021 mövsümünü Fransa udub.
