Qərbdə Şərq sammiti
Dekabrın 15-i Belçikanın paytaxtı Brüsseldə Avropa İttifaqının Şərq tərəfdaşlığının sammiti keçirilib. AZƏRTAC xəbər verir ki, prezident İlham Əliyev sammitdə çıxış edib.
Dövlət başçısı sammitdə iştirak edən dövlət və hökumət başçılarının işçi naharına da qatılıb.
Avropa İttifaqı 27 ölkəni (Almaniya, Avstriya, Belçika, Bolqarıstan, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan) birləşdirir.
Azərbaycan Avropa İttifaqının Şərq tərəfdaşlığı proqramının üzvüdür. Bu proqram 2009-cu ildə elan olunub, Ukrayna, Moldova, Belarus, Gürcüstan və Ermənistanı da əhatə edib.
Belarus proqramda iştirakını dayandırıb.
