Manatdan baha
Novator.az Mərkəzi Bankın saytında Azərbaycan manatından baha valyutaların siyahısına nəzər salıb.
Dekabrın 15-də Küveyt dinarı banklara 5,6127 manata təklif olunur.
İngiltərə funt sterlinqinə 2,2503, avroya 1,9149, İsveçrə frankına 1,8394 manat qiymət qoyulub.
ABŞ dolları 1,7, Kanada dolları 1,3232, Sinqapur dolları 1,2413, Avstraliya dolları 1,2085, Yeni Zelandiya dolları 1,1447 manata satılır.
2015-ci ilin devalvasiyalarında ABŞ dollarının rəsmi qiyməti 0,7844 manatdan 1,5594 manata yüksəlib, 2016-cı ildə kurs 1,7707 manata çatıb. 2017-ci ili 1,7001 manatla yola salan dollar 2018-ci il martın 7-dən 1,7 manat nöqtəsindədir.
Dövlət Neft Fondu Mərkəzi Bankın 2021-ci ilin yanvar-oktyabr aylarında keçirdiyi valyuta hərraclarında 4 milyard 845,3 milyon ABŞ dolları məbləğində vəsait satıb.
Manatı qorumağa Dövlət Neft Fondu 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edib.
