Bolqarıstanda yeni baş nazir
Dekabrın 13-də Bolqarıstan parlamenti Yeniliklərə Davam Partiyasının lideri Kiril Petkovu baş nazir seçib. Onun namizədliyini 134 deputat dəstəkləyib.
Proporsional üsulla seçilən Bolqarıstan parlamenti 240 deputatdan ibarətdir. Novator.az bildirir ki, noyabrın 14-də keçirilmiş parlament seçkisində qanunverici orqana 7 siyasi qüvvə düşüb, Yeniliklərə Davam Partiyası 67 mandatla birinci olub.
1980-ci il təvəllüdlü Kiril Petkov Kanada və ABŞ-da ali təhsil alıb.
Yeniliklərə Davam Partiyası hökuməti Sosialist Partiyası (26 mandatı var), Belə Xalq Var Partiyası (25 mandat), Demokratik Bolqarıstan Partiyası (16 mandat) ilə birgə qurub.
