“Qarabağ”ın mümkün rəqibləri
UEFA-nın Konfrans Liqasında Azərbaycanı təmsil edən “Qarabağ” komandasının növbəti mümkün rəqibləri bəlli olub. Dekabrın 9-u İsveçrədə “Bazel”ə 0:3 hesabı ilə uduzan “Qarabağ” H qrupunu ikinci pillədə tamamlayıb və ələmə mərhələsinə adlayıb. “Qarabağ” 1/8 finala çıxmaq üçün Avropa Liqasının qruplarında üçüncü olmuş komandaların biri ilə yarışacaq. Novator.az bildirir ki, həmin komandalar bunlardır: “Sparta” (Çexiya), PSV (Niderland), “Lester” (İngiltərə), “Fənərbaxça” (Türkiyə), “Marsel” (Fransa), “Midtülland” (Danimarka), “Seltik” (Şotlandiya), “Rapid” (Avstriya).
Püşk dekabrın 13-də atılacaq.
Ələmə mərhələsi 17-24 fevral 2022-ci ilə təyin olunub.
1/8 final 10-17 martda, 1/4 final 7-14 apreldə, yarımfinal 28 aprel-5 mayda, final 25 mayda (Tirana şəhəri) keçiriləcək.
