Doqquz ayın valyuta əməliyyatları
Mərkəzi Bank 2021-ci ilin yanvar-sentyabr ayları üzrə pul siyasəti icmalı yayıb. Rəsmi hesabatda qeyd olunur ki, doqquz ayda nağdsız valyuta bazarında əməliyyatların həcmi 2020-ci ilin eyni dövrünə nəzərən 1,6% artaraq 19,2 milyard ABŞ dolları ekvivalentində olub, əməliyyatların 85,9%-i dollarda, 14,1%-i digər valyutalarda aparılıb.
İcmala əsasən, bankların nağd xarici valyutalar üzrə əməliyyatlarının həcmi ötən ilin yanvar-sentyabr aylarına nəzərən 35,4% azalaraq 2,7 milyard ABŞ dolları ekvivalentində rəsmiləşib, bunun 85,2%-i dollarla aparılmış əməliyyatlar olub.
Novator.az bildirir ki, Dövlət Neft Fondu Mərkəzi Bankın 2021-ci ilin yanvar-oktyabr aylarında keçirdiyi valyuta hərraclarında 4 milyard 845,3 milyon ABŞ dolları məbləğində vəsait satıb. Yanvarda fonddan 644,9 milyon, fevralda 437,3 milyon, martda 397,7 milyon, apreldə 509,9 milyon, mayda 312,7 milyon, iyunda 463,6 milyon, iyulda 461,6 milyon, avqustda 512,3 milyon, sentyabrda 565,4 milyon, oktyabrda 539,9 milyon dollar alınıb.
