UEFA Çempionlar Liqasının qrup mərhələsində son tur start götürüb. Novator.az bildirir ki, finiş günü olan dekabrın 8-dək A qrupundan “Mançester Siti”, PSJ, B qrupundan “Liverpul”, “Atletiko”, C qrupundan “Ayaks”, “Sportinq” (Portuqaliya), D qrupundan “Real”, “İnter” (İtaliya), E qrupundan “Bavariya”, F qrupundan “Mançester Yunayted”, H qrupundan “Çelsi”, “Yuventus” 1/8 finala vəsiqəni təmin ediblər.
Qrupları ilk iki pillənin sahibi adlayır, üçüncü yeri tutan Avropa Liqasına köçür.
Çempionlar Liqasının 2021-2022 mövsümündə qalan komandaların 10-u yarışda titul sahibidir. 1955-ci ildə yaradılan, 1991-ci ilə qədər Çempionlar kuboku adı daşımış turnirdə “Real” 13, “Bavariya” və “Liverpul” 6, “Barselona” 5, “Ayaks” 4, “İnter” (İtaliya) və “Mançester Yunayted” 3, “Benfika”, “Yuventus” və “Çelsi” 2 uğur qazanıb.
