Gürcüstan parlamenti üzvlərinin maaşı
Gürcüstan parlamenti üzvlərinin maaş göstəriciləri açıqlanıb. Novator.az bildirir ki, məlumata görə, deputatın aylıq maaşı 4624 laridir.
1000 lari 550,2 manata bərabərdir.
Vəzifədən asılı olaraq əməkhaqqı məbləğləri belə dəyişir:
parlament sədri – 6740 lari
parlament sədrinin birinci müavini – 6400 lari
parlament sədrinin müavinləri – 6340 lari
komitə sədri, fraksiya lideri – 5540 lari
komitə sədrinin birinci müavini, fraksiya liderinin birinci müavini – 4800 lari
komitə sədrinin müavini, fraksiya liderinin müavini – 4740 lari.
Azərbaycanda parlament üzvlərinin aylıq vəzifə maaşı “Milli Məclis deputatının statusu haqqında” qanunla tənzimlənir. Həmin qanuna görə, deputatın aylıq əməkhaqqı 1732,5 manatdır.
Parlament sədri 2475 manat, sədrin birinci müavini 2227,5 manat, sədrin müavini 2103,75 manat maaş alır.
Komitə və komissiya sədrinə 1980 manat, komitə və komissiya sədrinin müavininə 1856,25 manat miqdarında maaş verilir.
