Xarici ticarətin yeni hesabatı
2021-ci ilin on aylıq xarici ticarət statistikası açıqlanıb. Novator.az bildirir ki, hesabata görə, Dövlət Gömrük Komitəsi yanvar-oktyabr aylarında 16,8 milyard dollarlıq ixrac, 9,3 milyard dollarlıq idxal qeydə alıb, 185 ölkə ilə ticarət əməliyyatı aparılıb, gömrük orqanları büdcəyə 3 milyard 560,3 milyon manat vəsait ödəyib.
Rəsmi məlumata əsasən, ixracın 8,6 faizi MDB ölkələrinin, 57,6 faizi Avropa İttifaqı ölkələrinin, 33,8 faizi başqa ölkələrin payına düşüb, idxalda MDB-nin payı 24,3 faizi, Avropa İttifaqının payı 18,9 faizi, başqa ölkələrin payı 56,6 faizi ötüb.
Yanvar-oktyabr aylarında əsas tərəfdaş İtaliya olub, bu ölkə ilə ticarət ümumi dövriyyənin 26,8 faizi həcmində rəsmiləşib. İxracda əsas ölkə İtaliya (ümumi ixracın 39,6 faizi), idxalda Rusiyadır (17,6 faiz).
Statistikaya əsasən, ixracın 87,8 faizi neft-qaz sektoruna daxil olan mallardır, idxalda ən böyük pay maşın, mexanizm, elektrik avadanlıqları və onların hissələrinə düşür: 24 faiz.
