Təhsil yenilikləri imzalandı
Prezident İlham Əliyev “Təhsil haqqında” və “Peşə təhsili haqqında” qanunlara dəyişiklikləri imzalayıb. Novator.az bildirir ki, yeniliyə görə, peşə təhsili müəssisələrində yüksək texniki peşə təhsili səviyyəsi üzrə tədris kredit sistemi ilə təşkil olunur.
Başqa bir dəyişikliyə əsasən, peşə təhsilini başa vuran məzunlara təhsil haqqında dövlət sənədi – diplom və ya sertifikat verilir, həmin sənəd ali təhsil müəssisəsinə daxil olmaq hüququ yaradır və növbəti təhsil pilləsində ali təhsil almaq üçün əsas sayılır.
Qanuna görə, yüksək texniki peşə təhsili səviyyəsi üzrə ixtisas proqramlarının ali təhsil proqramlarına uyğunluğu təmin edilir və bu təhsil səviyyəsini müvəffəqiyyətlə başa vuran məzunların topladıqları kreditlər bakalavriat səviyyəsinin uyğun ixtisaslarında nəzərə alınır.
Rəsmiləşən qanun orta ixtisas təhsili və ali təhsil müəssisələrində tədrisin kredit sistemi ilə təşkilini də nəzərdə tutur.
