Çexiya prezidenti Miloş Zeman noyabrın 28-də Vətəndaş Demokrat Partiyasının sədri Petr Fialanı baş nazir təyin edib. Novator.az-ın məlumatına görə, yeni hökumətə daha dörd siyasi qüvvə daxildir: Xristian Demokrat İttifaqı, Ənənə, Məsuliyyət və Çiçəklənmə Partiyası, Pirat Partiyası, Yaşlılar və Müstəqillər Partiyası.
Petr Fiala 1964-cü ildə doğulub. 2014-cü ildən Vətəndaş Demokrat Partiyasının sədridir. 2013 və 2017-ci illərdə parlamentin deputatı seçilib. Təhsil, gənclər, bədən tərbiyəsi naziri, parlament sədrinin müavini postlarını tutub.
Oktyabrın 8-9-da Çexiyada parlamentin aşağı palatasına seçki keçirilib. Hakim Narazı Vətəndaşlar Aksiyası 200 yerlik qanunverici orqana 72 mandatla düşüb.
Vətəndaş Demokrat Partiyası 34, Yaşlılar və Müstəqillər Partiyası 33, Xristian Demokrat İttifaqı 23, Azadlıq və Birbaşa Demokratiya Partiyası 20, Ənənə, Məsuliyyət və Çiçəklənmə Partiyası 14, Pirat Partiyası 4 mandat əldə edib.
