Naxçıvanın makroiqtisadi göstəriciləri
Naxçıvan Muxtar Respublikasının Dövlət Statistika Komitəsi makroiqtisadi hesabat yayıb. Novator.az bildirir ki, rəsmi açıqlamaya görə, 2021-ci ilin yanvar-oktyabr aylarında muxtar respublikada 2020-ci ilin eyni dövrü ilə müqayisədə 1,3 faiz çox – 2,3 milyard manatlıq ümumi daxili məhsul istehsal olunub.
Hər bir nəfərə düşən ümumi daxili məhsulun həcmi 5097 manat göstərilir.
Hesabata əsasən, ötən ilin on ayına nəzərən sənayedə 1,4 faiz, sərmayə qoyuluşunda 1,2 faiz, kənd təsərrüfatında 3,6 faiz, informasiya və rabitə xidmətlərində 7,2 faiz yüksəliş olub.
Hüquqi və fiziki şəxslərə verilən kreditlər üzrə 20,8 faiz artım qeydə alındığı vurğulanır.
Qeyd olunur ki, muxtar respublikada əhalinin 350 növdə məhsula tələbatı tamamilə yerli imkanlar hesabına ödənir.
2021-ci il oktyabrın 1-nə muxtar respublika iqtisadiyyatında bir işçiyə hesablanmış orta aylıq əməkhaqqının 545,3 manata çatdığı bildirilir.
