Avropa Məhkəməsi hansı ölkəyə nə qədər cərimə kəsib?
Avropa İnsan Hüquqları Məhkəməsi 2011-ci ildən 2021-ci ilin sentyabr ayınadək qəbul etdiyi qərarlar üzrə kəsilən təzminatın statistikasını açıqlayıb. Aihmaz.org-un məlumatına görə, həmin müddətdə Rusiya dövlətinin boynuna 1 milyard 985 milyon avro təzminat ödəmək öhdəliyi qoyulub.
İtaliya 293,3 milyon avro təzminat öhdəliyi ilə ikinci, Türkiyə 205,3 milyon avro ilə üçüncüdür.
Qalan ölkələr 2011-ci ildən 2021-ci ilin sentyabr ayınadək bu məbləğdə cərimələnib:
Rumıniya – 71,8 milyon avro
Albaniya – 56,6 milyon avro
Ukrayna – 51,5 milyon avro
Yunanıstan – 28 milyon avro
Macarıstan – 23,6 milyon avro
Fransa – 23,5 milyon avro
Slovakiya – 17,8 milyon avro
Portuqaliya – 16,6 milyon avro
Moldova – 9,6 milyon avro
Kipr – 9 milyon avro
Serbiya – 8,8 milyon avro
Polşa – 7,3 milyon avro
Malta – 7,2 milyon avro
Bolqarıstan – 6,3 milyon avro
Azərbaycan – 5,4 milyon avro
Monteneqro – 5,3 milyon avro
Ermənistan – 3,8 milyon avro
Xorvatiya – 3,7 milyon avro
Böyük Britaniya – 3 milyon avro
Almaniya – 2,4 milyon avro
Şimali Makedoniya – 2,3 milyon avro
Bosniya və Herseqovina – 2,2 milyon avro
Latviya – 1,9 milyon avro
İspaniya – 1,8 milyon avro
Litva 1,8 – milyon avro
Belçika – 1,6 milyon avro
Sloveniya – 1,5 milyon avro
Gürcüstan – 1,2 milyon avro
Avstriya – 1 milyon avro
Çexiya – 854 min avro
İsveçrə – 833 min avro
Norveç – 755 min avro
Finlandiya – 478 min avro
İrlandiya – 438 min avro
Estoniya – 422 min avro
Niderland – 401 min avro
İslandiya – 360 min avro
İsveç – 318 min avro
Danimarka – 287 min avro
San Marino – 113 min avro
Andorra – 46 min avro
Lüksemburq – 43 min avro
Lixtenşteyn – 16 min avro
Monako – 10,5 min avro.
Fransanın Strasburq şəhərində yerləşən, hakimləri Avropa Şurasına üzv ölkələrdən seçilən Avropa Məhkəməsi Avropa İnsan Hüquqları Konvensiyasına riayət olunmasına nəzarət edir.
Azərbaycan 1949-cu ildə yaradılmış Avropa Şurasına 2001-ci ildə qoşulub, 2002-ci ildən Avropa Məhkəməsinin yurisdiksiyasındadır.
