1/8 final sualı son tura qaldı
UEFA Konfrans Liqasının qrup mərhələsi finişə yön alıb. Novator.az-ın məlumatına görə, H qrupundakı Azərbaycan təmsilçisi “Qarabağ” beşinci turun noyabrın 25-i Bakıda keçirilən matçında “Omoniya” ilə (Kipr) sülh bağlayıb – 2:2.
“Kayrat” (Qazaxıstan) – “Bazel” (İsveçrə) oyunu 2:3 hesabı ilə bitib.
Qrupdan çıxmaları dəqiqləşən liderlər “Bazel” və “Qarabağ”ın 11 xalı var. Dekabrın 9-na təyin edilən son turda “Qarabağ” “Bazel”ə qonaq olacaq.
Qrupda birinci yeri tutan komanda 1/8 finala keçəcək, ikinci yeri tutan komanda Avropa Liqasının qruplarında üçüncü olmuş komandaların biri ilə 1/8 finala çıxmaq uğrunda yarışacaq.
