Bank sektorunun ən yeni göstəriciləri
2021-ci il noyabrın 1-nə Azərbaycanda fəaliyyət göstərən 26 bankın 473 filialı, 97 şöbəsi olub, bank sektorunda 19835 nəfər çalışıb.
Mərkəzi Bankın statistik bülletenində bankların cəmi aktivləri 34 milyard 963,6 milyon manat, cəmi öhdəlikləri 30 milyard 28,8 milyon manat, yanvar-oktyabr ayları üzrə xalis mənfəəti 570,1 milyon manat göstərilir.
Hesabata görə, noyabrın 1-nə Azərbaycanda 15 milyard 997,3 milyon manatlıq kredit, 8 milyard 887,4 milyon manatlıq əmanət rəsmiləşib. Novator.az bildirir ki, yanvar-oktyabr aylarında kredit məbləği 1 milyard 840,3 milyon manat, əmanət məbləği 709,5 milyon manat artıb. İlin əvvəlinə 14 milyard 157 milyon manat kredit, 8 milyard 177,9 milyon manat əmanət qeydə alınmışdı.
Statistikaya əsasən, noyabrın 1-nə ölkədə 815,9 milyon manatlıq problemli kredit olub. Yanvarın 1-nə qaytarılma vaxtı ötmüş kreditlərin həcmi 893,1 milyon manat idi. On aylıq azalma 77,2 milyon manatdır.
