Enerji sektorunda bir sual
İqtisadçı Rövşən Ağayev Azərbaycanın enerji sektoru ilə bağlı statistikaya diqqət çəkib. Novator.az-ın məlumatına görə, ekspert yazır ki, ölkənin enerji sektorunda ən yüksək istifadə gücü məişət tullantılarının emalından elektrik alan yeganə stansiyaya məxsusdur: 52%.
İstifadə gücü əmsalının stansiyaların faktiki istehsal həcminin istehsal gücünə nisbəti kimi hesablandığını vurğulayan iqtisadçı ikinci yerdə yanacaqla işləyən stansiyaların gəldiyini (40%) bildirir: “Külək stansiyalar üzrə göstərici 16%, günəş stansiyaları üzrə 11%-dir. Ən sonda təxminən 10%-lə su elektrik stansiyalarıdır. Su elektrik stansiyalarının bu göstərici ilə effektiv strukturlar olması çərin görünür. Onların fəaliyyəti üzrə maliyyə hesabatlarına baxmaq çox maraqlı olardı. Bu səviyyədə istifadə gücü əmsalı ilə maliyyə nəticələrini təsəvvür etməyə çalışıram”.
