Çili sağla sol arasında
Çilidə prezident seçkisi ikinci tura qalıb. Novator.az-ın məlumatına görə, noyabrın 21-də keçirilmiş ilk turda heç bir iddiaçı 50 faizlik həddi aşa bilməyib.
Rəsmi ilkin nəticələrə əsasən, sağ təmayüllü Respublika Partiyasından Xose Antonio Kast 27,9 faiz səslə önə çıxıb. Sol koalisiyanın namizədi Qabriel Boriç 25,8 faiz səslə ikinci yerdə göstərilir. Bu iki şəxs 7 nəfərin yarışdığı səsvermədən ikinci tura vəsiqə alıb. İkinci tur dekabrın 19-na təyin olunub.
Çilidə prezident 4 il müddətinə seçilir. Hazırda dövlət başçısı postunu sağ qüvvələrin təmsilçisi Sebastyan Pinyera tutur.
