Xarici kapital, işçilər
Xarici müəssisə və təşkilatlar 2021-ci ilin yanvar-oktyabr aylarında Azərbaycanda iqtisadi və sosial sahələrə 3 milyard 548,5 milyon manat sərmayə qoyub. Novator.az-ın məlumatına görə, vəsaitin 92,7 faizi Böyük Britaniya, ABŞ, Türkiyə, Yaponiya, İsveçrə, Norveç, Vircin adaları, Malayziya, Fransa, Rusiya və İran sərmayədarlarına məxsus olub.
Oktyabrın 1-nə ölkə ərazisində rəsmən işləyən 5533 nəfər əcnəbi və vətəndaşlığı olmayan şəxs qeydiyyata alınıb, onların 50,9 faizi tikintidə, 12,7 faizi mədən sənayesində, 7,2 faizi emal sənayesində, 5,6 faizi turistlərin yerləşdirilməsi və ictimai iaşə, 4,4 faizi ticarət; nəqliyyat vasitələrinin təmiri, 4,1 faizi təhsil, 2,7 faizi səhiyyə xidməti və sosial xidmətlər sektorlarında, 12,4 faizi digər sahələrdə fəaliyyət göstərib.
