Harada nə qədər maaş alırlar?
Dövlət Statistika Komitəsi 2021-ci il noyabrın 1-nə iqtisadi fəal əhalinin 4 milyon 984,5 min nəfərini məşğul əhali kimi göstərib. Oktyabrın 1-nə muzdla çalışan işçilərin sayının 1 milyon 699,3 min nəfər, onların orta aylıq nominal əməkhaqqının 723,2 manat olduğu açıqlanıb.
Novator.az bildirir ki, iqtisadi fəaliyyət növləri orta maaş baxımından belə sıralanıb:
mədən sənayesi – 3121,8 manat;
maliyyə və sığorta fəaliyyəti – 1985,9 manat;
peşə fəaliyyəti, elmi və texniki fəaliyyət – 1178,8 manat;
informasiya və rabitə – 1154,7 manat;
dövlət idarəetməsi və müdafiə; sosial təminat – 960,5 manat;
nəqliyyat və anbar təsərrüfatı – 926,7 manat;
tikinti – 872,3 manat;
elektrik enerjisi, qaz və buxar istehsalı, bölüşdürülməsi və təchizatı – 767,6 manat;
emal sənayesi – 676,9 manat;
daşınmaz əmlakla əlaqədar əməliyyatlar – 663,6 manat;
turistlərin yerləşdirilməsi və ictimai iaşə – 576,5 manat;
su təchizatı, tullantıların təmizlənməsi və emalı – 549,2 manat;
əhaliyə səhiyyə xidməti və sosial xidmətlərin göstərilməsi – 546,7 manat;
istirahət, əyləncə və incəsənət sahəsində fəaliyyət – 530,8 manat;
ticarət; nəqliyyat vasitələrinin təmiri – 530,4 manat;
təhsil – 522,6 manat;
kənd təsərrüfatı, meşə təsərrüfatı və balıqçılıq – 446,3 manat;
inzibati və yardımçı xidmətlərin göstərilməsi – 430,5 manat;
digər sahələrdə xidmətlərin göstərilməsi – 732 manat.
Ölkədə minimum maaş 250 manatdır.
Rəsmi hesabata görə, 2021-ci ilin yanvar-sentyabr aylarında Azərbaycanda 51,1 min yeni iş yeri açılıb, 9,5 min iş yeri bağlanıb.
