Tarixçi Ermənistanın müdafiə naziri oldu
Noyabrın 15-də Ermənistanın müdafiə naziri dəyişib. Novator.az-ın məlumatına görə, Arşak Karapetyanı Suren Papikyan əvəzləyib. Yeniliyə baş nazir Nikol Paşinyanın təqdimatları əsasında prezident Armen Sərkisyan imza atıb.
Arşak Karapetyan bu il iyulun 20-dən müdafiə nazirinin səlahiyyətlərini icra etmiş, avqustun 2-də nazir təyin olunmuşdu.
1986-cı il təvəllüdlü Suren Papikyan tarixçidir. Bu təyinata qədər baş nazirin müavini idi. O, 2018-2021-ci illərdə ərazi idarəçiliyi və inkişafı naziri olub.
Vətəndaş Sazişi Partiyasının sədri Nikol Paşinyan baş nazir postuna 2018-ci il mayın 8-də xalq hərəkatı dalğasında gəlib.
2018-ci il dekabrın 9-da keçirilmiş növbədənkənar parlament seçkisində Nikol Paşinyanın “Mənim addımım” bloku qələbə qazanaraq yenidən hökumət qurub.
2020-ci il mayın 10-da qanunverici orqan buraxılıb, iyunun 20-nə növbədənkənar parlament seçkisi təyin olunub. 20 iyun seçkisində Vətəndaş Sazişi Partiyası 107 nəfərlik parlamentə 71 deputat yeri qazanaraq hökumət qurmaq hüququ əldə edib. Avqustun 2-də yeni parlament fəaliyyətə başlayıb, həmin gün Nikol Paşinyan baş nazir postuna təyinat alıb.
