Dövlət Miqrasiya Xidmətinin oktyabr hesabatı
Dövlət Miqrasiya Xidməti bildirir ki, 2021-ci ilin oktyabr ayında qanunvericiliyin tələblərinin pozulmasına görə 898 qərar qəbul edilib. 198 qərarda tətbiq olunan cəriməni ödəməklə ölkə ərazisini tərk etmək tələbi yer alıb, 283 qərar ölkə ərazisində yaşamanı qanuniləşdirib.
10 qərar cərimə tətbiqi ilə ölkə hüdudlarından çıxarılmanı, 365 qərar ölkəyə girişə məhdudiyyəti nəzərdə tutub.
Azərbaycan ərazisində müvəqqəti və daimi yaşamaq üçün icazə sənədinin itirilməsi ilə bağlı 23, əcnəbilərin və vətəndaşlığı olmayan şəxslərin işə cəlb edilməsi qaydasının pozulması ilə bağlı 14, qeydiyyat və sənədlərin rəsmiləşdirilməsi qaydalarının pozulması ilə bağlı 5 qərarın çıxarıldığı bildirilir.
