Dörd oldu
UEFA Çempionlar Liqasının qrup mərhələsində dördüncü tur başa çatıb. Novator.az-ın məlumatına görə, 3 noyabr oyunlarında B qrupundan “Liverpul”, C qrupundan “Ayaks” 1/8 finala vəsiqə alıblar.
Qruplardan ilk iki pillənin sahibi çıxır, üçüncü yeri tutan Avropa Liqasına düşür.
E qrupundan “Bavariya”, H qrupundan “Yuventus” 1/8 finala vəsiqəni noyabrın 2-də təmin ediblər.
2021-2022 mövsümünün 13 komandası yarışda titul sahibidir. 1955-ci ildə yaradılan, 1991-ci ilə qədər Çempionlar kuboku adı daşımış turnirdə “Real” 13, “Milan” 7, “Bavariya” və “Liverpul” 6, “Barselona” 5, “Ayaks” 4, “İnter” (İtaliya) və “Mançester Yunayted” 3, “Benfika”, “Yuventus”, “Portu” və “Çelsi” 2, “Borussiya” (Dortmund) 1 uğur qazanıb.
