Yeni mərkəz, fəaliyyət qaydası
Nazirlər Kabineti Məlumat Mərkəzinin yaradılması və fəaliyyət qaydasının təsdiqi üzrə qərar verib. Novator.az bildirir ki, ümumi müddəalara görə, Məlumat Mərkəzini texniki tənzimləmə sahəsində bildiriş və məlumatların verilməsini təmin etmək məqsədilə İqtisadiyyat Nazirliyi yaradır.
Mərkəz beynəlxalq və regional təşkilatlara, yaxud xarici ölkələrin aidiyyəti orqanlarına texniki reqlamentlərin və uyğunluğun qiymətləndirilməsi prosedurlarının layihələri və təklif olunan dəyişikliklər haqqında bildirişlərin verilməsi; beynəlxalq, regional, dövlətlərarası və xarici ölkələrdə işlənib hazırlanmış texniki reqlamentlərin, standartların və uyğunluğun qiymətləndirilməsi prosedurlarının layihələrinə dair rəyin verilməsinin təşkili; Azərbaycanın üzv olduğu regional standartlaşdırma təşkilatları və Azərbaycanın standartlaşdırma, uyğunluğun qiymətləndirilməsi və akkreditasiya üzrə tərəfdar çıxdığı beynəlxalq müqavilələr barədə məlumatların verilməsinin təmin edilməsi; xarici texniki reqlament, uyğunluğun qiymətləndirilməsi prosedurları və xarici ölkələrə məxsus milli standart layihələrinə dair məlumatın Azərbaycanın müvafiq qurumlarına verilməsi funksiyalarını yerinə yetirir.
Texniki tənzimləmə sahəsində bildiriş və məlumatların mübadiləsi elektron poçt ünvanı vasitəsilə və ya yazılı formada həyata keçirilir.
