Ünvanlı yardımın orta məbləği
Dövlət Sosial Müdafiə Fondunun hesabatına görə, 2021-ci ilin oktyabr ayında ailəyə ödənən ünvanlı yardımın orta məbləği 270,2 manat olub.
Novator.az bildirir ki, “Ünvanlı dövlət sosial yardımı haqqında” qanuna əsasən, sosial yardım hüququna orta aylıq gəliri onlardan asılı olmayan səbəblərdən (ailə üzvlərinin əmək qabiliyyətsiz olması, ailənin əmək qabiliyyətli üzvünün birinci dərəcə əlilliyi olan şəxsə, 8 yaşına çatmamış uşağa və ya sağlamlıq imkanları məhdud 18 yaşınadək uşağa qulluq etməsi, 23 yaşınadək əyani təhsil alması, müvafiq icra hakimiyyəti orqanında dövlət orqanının və ya hüquqi şəxsin ləğv edilməsi və ya işçilərin sayı və ya ştatların ixtisar edilməsi ilə əlaqədar işsiz kimi qeydə alınması, vəfat etməsi, məhkəmə qərarı ilə itkin düşmüş və yaxud ölmüş hesab edilməsi, azadlıqdan məhrum edilməsi, ailə üzvünün olduğu yerin məlum olmaması) hər bir ailə üzvü üçün ehtiyac meyarının məcmusundan aşağı olan aztəminatlı ailələr malikdirlər.
2021-ci ildə ünvanlı dövlət sosial yardımının təyinatı üçün ehtiyac meyarının həddi 170 manat götürülüb.
Sosial yardım onu almaq üçün müraciət edilən ayın 1-dən 1 il müddətinə təyin olunur.
2022-ci ildə ünvanlı dövlət sosial yardımının təyinatı üçün ehtiyac meyarının həddini 200 manata qaldırmaq planı var:
Ünvanlı dövlət sosial yardımı ilə təminat Dövlət Sosial Müdafiə Fondunun səlahiyyətindədir.
