Yeni media qrupu yaradılıb
Azərbaycanda “Məqam Media Group” adlı yeni media qrupu yaradılıb. Qrupun təsisçisi və Müşahidə Şurasının sədri Qorxmaz Heydərov, İdarə Heyətinin sədri Cavid Əlizadədir.
Qorxmaz Heydərov iqtisadçı, Vətən Naminə Birlik Partiyası sədrinin iqtisadi məsələlər üzrə müavinidir. Bank sektorunda rəhbər vəzifələrdə çalışıb, elektron biznes layihəsinin yaradıcısıdır. O, mətbuata açıqlamasında bildirib ki, “Məqam Media Group”u gələcəkdə özündə müstəqil qəzet, jurnal, sayt, internet radio-televiziyasını birləşdirəcək böyük bir media holdinqi səviyyəsində görmək istəyirlər.
