Hakim koalisiya seçkini udur
Yaponiyada oktyabrın 31-də keçirilmiş parlament seçkisini hakim koalisiya udur. Novator.az bildirir ki, ilkin rəsmi nəticələrə görə, baş nazir Fumio Kişidanın liderlik etdiyi Liberal Demokrat Partiyası 465 yerlik qanunverici orqanda 261 mandata, koalisiyaya daxil olan Komeyto Partiyası 32 mandata sahib çıxır.
Konstitusion Demokrat Partiyasının 96, Yaponiya Dirçəliş Cəmiyyətinin 41, Xalq Demokrat Partiyasının 11, Kommunist Partiyasının 10, solçuların 3, Sosial Demokrat Partiyasının 1, müstəqil namizədlərin 10 mandat götürdüyü vurğulanır.
1957-ci il təvəllüdlü Fumio Kişida bu il sentyabrın 29-da Liberal Demokrat Partiyasının sədri seçilib, oktyabrın 4-də parlamentin aşağı palatasının qərarı ilə baş nazir postuna gətirilib.
