Manatın satış faizi qalxdı
Mərkəzi Bankın İdarə Heyəti oktyabrın 29-da uçot dərəcəsini 6,5 faizdən 7 faizə yüksəldib.
Uçot dərəcəsi Mərkəzi Bankın kommersiya banklarına manatla verdiyi borclar üzrə faiz dərəcəsidir. 2021-ci il 6,25 faizlə başlamış, sentyabrın 17-də uçot dərəcəsi 6,5 faizə qalxmışdı.
Novator.az bildirir ki, 2006-cı ildə maksimal dərəcə 9,5 faiz, 2007-ci ildə 13 faiz, 2008-ci ildə 15 faiz, 2009-cu ildə 5 faiz, 2010-cu ildə 3 faiz, 2011-ci ildə 5,25 faiz, 2012-ci ildə 5 faiz, 2013-cü ildə 4,75 faiz, 2014-cü ildə 4,25 faiz, 2015-ci ildə 3 faiz, 2016 və 2017-ci illərdə 15 faiz, 2018-ci ildə 13 faiz, 2019-cu ildə 11,25 faiz, 2020-ci ildə 9 faiz olub.
