Məhkəmə-Hüquq Şurasının üzvləri
Məhkəmə-Hüquq Şurasının tərkibi qismən yenilənib. Novator.az tam siyahını təqdim edir:
Fikrət Məmmədov, ədliyyə naziri (sədr);
Ramiz Rzayev, Ali Məhkəmənin sədri;
Fuad Ələsgərov, prezidentin köməkçisi, Prezident Administrasiyasının hüquq mühafizə orqanları ilə iş şöbəsinin müdiri;
Nizami Səfərov, Milli Məclisin deputatı;
Rafael Qvaladze, Konstitusiya Məhkəməsinin hakimi;
Hafiz Nəsibov, Ali Məhkəmənin Cinayət Kollegiyasının sədri;
Sənan Hacıyev, Ali Məhkəmənin Mülki Kollegiyasının sədri;
Qasım Əliyev, Naxçıvan Muxtar Respublikası Ali Məhkəməsinin sədri;
Azər Cəfərov, ədliyyə nazirinin müavini;
Mübariz Əkbərov, Bakı Apellyasiya Məhkəməsinin sədri;
Tofiq Paşayev, Sumqayıt Apellyasiya Məhkəməsinin sədri;
Xəqani Tağıyev, Sumqayıt Kommersiya Məhkəməsinin sədri;
Anar Bağırov, Vəkillər Kollegiyası Rəyasət Heyətinin sədri;
Heydər Məmmədov, baş prokurorun müavini.
Məhkəmə hakimiyyətinin özünüidarə funksiyalarını həyata keçirən orqan kimi 2005-ci ildə fəaliyyətə başlayan Məhkəmə-Hüquq Şurasının hakim vəzifələrinə seçkinin təşkili, hakimlərin fəaliyyətini qiymətləndirmək, onları intizam məsuliyyətinə cəlb etmək, hakimlərin iş yerinin dəyişdirilməsi, vəzifədə irəli çəkilməsi təqdimatları vermək səlahiyyətləri var. Şura 15 üzvdən ibarət olmalıdır. Ədliyyə naziri və Ali Məhkəmənin sədri vəzifəyə görə Məhkəmə-Hüquq Şurasının üzvləri hesab edilirlər.
Qalan üzvlərin müəyyənləşmə mexanizmi belədir: prezidentin təyin etdiyi şəxs; Milli Məclisin təyin etdiyi şəxs; Konstitusiya Məhkəməsinin təyin etdiyi hakim; hakim assosiasiyalarının təklif etdiyi namizədlər sırasından Ali Məhkəmənin seçdiyi kassasiya instansiyası məhkəməsinin iki hakimi; hakim assosiasiyalarının təklif etdiyi namizədlər sırasından Məhkəmə-Hüquq Şurasının seçdiyi apellyasiya məhkəmələrinin iki hakimi; hakim assosiasiyalarının təklif etdiyi namizədlər sırasından Naxçıvan Muxtar Respublikası Ali Məhkəməsinin seçdiyi Naxçıvan Muxtar Respublikası Ali Məhkəməsinin hakimi; hakim assosiasiyalarının təklif etdiyi namizədlər sırasından Məhkəmə-Hüquq Şurasının seçdiyi birinci instansiya məhkəməsinin iki hakimi; Ədliyyə Nazirliyinin təyin etdiyi şəxs; Vəkillər Kollegiyasının Rəyasət Heyətinin təyin etdiyi vəkil; Baş Prokurorluğun təyin etdiyi şəxs.
Hazırda birinci instansiya məhkəməsi üzrə bir yer boşdur.
Məhkəmə-Hüquq Şurası üzvlərinin səlahiyyət müddəti beş ildir. Sədri Məhkəmə-Hüquq Şurası beş il müddətinə seçir.
