Dövlət əmlakından nə gəlir əldə olunub?
İqtisadiyyat Nazirliyinin hesabatına görə, Əmlak Məsələləri Dövlət Xidmətinin 2021-ci ilin yanvar-sentyabr aylarında keçirdiyi hərraclarda 15 səhmdar cəmiyyətinin səhm paketi, 30 kiçik müəssisə, 2 yarımçıq tikili, 145 nəqliyyat vasitəsi, investisiya müsabiqələrində 2 dövlət əmlakı özəlləşdirilib.
Doqquz ayda 496 qeyri-yaşayış sahəsinin, 699 müəssisə və obyektin yerləşdiyi torpaq sahəsinin icarəyə verildiyi, 282 icarə müqaviləsinin müddətinin uzadıldığı vurğulanır.
Açıqlamaya əsasən, yanvar-sentyabr aylarında özəlləşdirmədən büdcəyə 58,02 milyon manat, dövlət əmlakının icarəsindən 11,6 milyon manat ödənib”.
