İkinci prezident ikinci müddətə gedir
Özbəkistanda prezident seçkisinin ilkin nəticələri açıqlanıb.
Erkən səsvermə 14-20 oktyabrı əhatə edib, əsas səsvermə oktyabrın 24-də keçirilib.
Novator.az bildirir ki, Mərkəzi Seçki Komissiyasının oktyabrın 25-də yayılan ilkin rəsmi hesabatına görə, 5 nəfərin yarışdığı marafonda Liberal Demokrat Partiyasının namizədi, prezident Şövkət Mirziyayev 80,1 faizlə önə çıxaraq qalib gəlir.
1957-ci il təvəllüdlü Şövkət Mirziyayev Özbəkistan Ali Sovetinin, Ali Məclisinin deputatı, paytaxt Daşkəndin Mirzə-Uluqbəy rayonunun, Cizak vilayətinin, Səmərqənd vilayətinin icra hakimi olub. 2003-cı il dekabrın 12-dən baş nazir postunu tutub. 2016-cı il sentyabrın 8-dən prezident səlahiyyətlərini icra edib, dekabrın 4-də prezident seçilib.
Özbəkistan prezident idarə üsulu 1990-cı ildən tətbiq olunur. Həmin ildən vəfat etdiyi 2016-cı il sentyabrın 2-dək prezident postunu İslam Kərimov tutub.
