Qrup raundu necə yarılandı?
UEFA Konfrans Liqasının qrup mərhələsində ilk dövrə tamamlanıb. H qrupundakı Azərbaycan təmsilçisi “Qarabağ” oktyabrın 21-də üçüncü oyununu keçirib. Novator.az-ın məlumatına görə, Bakıda “Kayrat”ı (Qazaxıstan) qəbul edən komanda 2:1 hesabı ilə üstün gəlib.
“Bazel” (İsveçrə) – “Omoniya” (Kipr) oyunu da meydan sahibinin qələbəsi ilə başa çatıb – 3:1.
Üç turdan sonra “Bazel”lə “Qarabağ”ın 7, “Kayrat”la “Omoniya”nın 1 xalı var.
Qalan oyunların təqvimi belədir:
4 noyabr
“Kayrat” – “Qarabağ”
“Omoniya” – “Bazel”
25 noyabr
“Kayrat” – “Bazel”
“Qarabağ” – “Omoniya”
9 dekabr
“Omoniya” – “Kayrat”
“Bazel” – “Qarabağ”.
Qrupda birinci yeri tutan komanda 1/8 finala keçəcək, ikinci yeri tutan komanda Avropa Liqasının qruplarında üçüncü olmuş komandaların biri ilə 1/8 finala çıxmaq uğrunda yarışacaq.
