Naxçıvandan rəsmi hesabat
Naxçıvan Muxtar Respublikasının Dövlət Statistika Komitəsi 2021-ci il üzrə yeni hesabat yayıb.
Rəsmi açıqlamaya görə, yanvar-sentyabr aylarında bölgədə 2 milyard 151,5 milyon manatlıq ümumi daxili məhsul istehsal olunub, bu da bir il öncəki göstəricidən 1 faiz çoxdur.
Hər bir nəfərə düşən ümumi daxili məhsul 4656 manat göstərilir.
Hesabata əsasən, 2020-ci ilin doqquz ayı ilə müqayisədə sənaye məhsulu 1,3 faiz, əsas kapitala yönəldilən vəsaitlər 1,1 faiz, kənd təsərrüfatı məhsulu 3,5 faiz, nəqliyyat sektorunda yük daşınması 0,7 faiz, informasiya və rabitə xidmətləri 7 faiz, pərakəndə əmtəə dövriyyəsi 0,5 faiz, əhaliyə göstərilən ödənişli xidmətlər 0,3 faiz artıb.
Sentyabrın 1-nə orta aylıq əməkhaqqının 544,2 manat məbləğində rəsmiləşdiyi vurğulanır.
