20 ilin gəlir statistikası
Bakı Araşdırmalar İnstitutunun Bakuresearchinstitute.org saytı əhalinin adambaşına gəlirləri ilə bağlı hesabat yayıb. Qeyd olunur ki, rəsmi statistika 2001-ci ildə adambaşına gəlirləri 29,1 manat, 2005-ci ildə 64,4 manat, 2010-cu ildə 144,2 manat, 2015-ci ildə 240,5 manat, 2020-ci ildə 291,4 manat göstərib.
Novator.az bildirir ki, araşdırmaya görə, 2020-ci ildə əhalinin adambaşına gəlirlərində pensiyaların payı 2001-ci illə müqayisədə 7,9%-dən 16,6%-ə, müavinət və sosial yardımların payı 1,7%-dən 3,2%-ə, ölkə xaricindən alınan vəsaitlərin payı 1,7%-dən 2%-ə, ölkə daxilində başqa ailələrdən alınan vəsaitlərin payı 4,8%-dən 8,3%-ə yüksəlib.
2001-ci ilə nəzərən əhalinin adambaşına gəlirlərində muzdlu işlə əlaqəli gəlirlərin payının 39,9%-dən 35,7%-ə, kənd təsərrüfatı məhsullarının istehsalından alınan gəlirlərin payının 35,4%-dən 11,8%-ə, əmlakın icarəyə verilməsi üzrə gəlirlərin payının 3,8%-dən 0,4%-ə düşdüyü vurğulanır.
