Əhali üçün əsas tariflər
Novator.az əhali qrupu üzrə əsas tariflərə nəzər salıb.
Təbii qaz: 1200 kubmetrədək (1200 kubmetr daxil) istehlak – kubmetri 12 qəpik;
1200-2500 kubmetr istehlak – kubmetri 20 qəpik;
2500 kubmetrdən çox istehlak – kubmetri 25 qəpik.
Elektrik enerjisi: 200 kilovat-saatadək (200 kilovat-saat daxil) istehlak – kilovat-saatı 8 qəpik;
200 kilovat-saatdan 300 kilovat-saatadək (300 kilovat-saat daxil) istehlak – kilovat-saatı 9 qəpik;
300 kilovat-saatdan çox istehlak – kilovat-saatı 13 qəpik.
Su təchizatı və tullantı sularının axıdılması: ümumilikdə kubmetri Bakı, Sumqayıt, Xırdalan şəhərləri və Abşeron rayonunda – 1 manat;
digər inzibati ərazi vahidlərində – 90 qəpik.
İstilik təchizatı: 1 kvadratmetr yaşayış sahəsi üçün ayda 15 qəpik.
Bərk məişət tullantılarının yığılması və daşınması: ayda 30 qəpik.
Ev telefonu üçün aylıq abunə: 2 manat 50 qəpik.
Azərbaycanda dövlət tənzimlənməsi tətbiq edilən qiymətlərin (tariflərin), xidmət haqlarının, yığımların qiymətinə Tarif (qiymət) Şurası məsuldur. Şuraya iqtisadiyyat naziri sədrlik edir.
