“Telegram”ın yüklənmə sayı milyardı ötdü
Rusiyanın “Telegram” mesajlaşma servisinin “Google” şirkətinin tətbiqlər sistemində yüklənmə sayı bir milyardı ötüb.
Novator.az bildirir ki, xəbəri Türkiyənin Haber7.com saytı yayıb.
“Telegram” mesajlaşma servisi “WhatsApp” messencerinin ən böyük rəqibi sayılır.
“WhatsApp” messenceri, həmçinin “Facebook”, “İnstagram” şəbəkələri ABŞ-ın “Facebook İnc” şirkətinə məxsusdur.
Oktyabrın 4-də həm “WhatsApp”ın, həm də “Facebook” və “İnstagram”ın fəaliyyəti 7 saat ərzində dayanmışdı. Həmin saatlarda istifadəçilər bu platformaların heç birinə daxil ola bilməmişdilər.
Baş vermiş hadisə Rusiyanın “Telegram” platformasının işinə yarayıb. Oktyabrın 4-də “WhatsApp”ın fəaliyyətinin dayandığı saatlarda “Telegram” 50 milyon yeni istifadəçi cəlb edib. Bu artım “Android” telefonlarında yüklənmə sayında da özünü göstərib.
“Telegram” platformasının “Google” şirkətinin tətbiqlər sistemində (“Play Store”) yüklənmə sayı bir milyardı ötsə də, bu sahədə hələ ki, “WhatsApp” liderliyini qoruyur. “Google”un tətbiqlər sistemində “WhatsApp”ın yüklənmə sayı 5 milyarddan çoxdur.
Mənbə: Haber7.com
