Makroiqtisadi göstəricilər
Dövlət Statistika Komitəsi makroiqtisadi göstəriciləri açıqlayıb.
Novator.az bildirir ki, rəsmi hesabata görə, 2021-ci ilin yanvar-sentyabr aylarında kənd təsərrüfatının ümumi məhsulu 2020-ci ilin eyni dövrü ilə müqayisədə 5 faiz, o cümlədən heyvandarlıq məhsulları istehsalı 2,6 faiz, bitkiçilik məhsulları istehsalı 7,3 faiz artıb.
Nəqliyyat sektorunda yük daşınmasının 0,2 faiz, sərnişin daşınmasının 10 faiz azaldığı vurğulanır.
İnformasiya və rabitə xidmətlərinin həcmində artım 5,7 faiz göstərilir.
Məlumata əsasən, 2020-ci ilin doqquz ayı ilə müqayisədə əhalinin gəlirləri nominal ifadədə 2 faiz artıb, dövlət büdcəsinə 17 milyard 871,6 milyon manat vəsait daxil olub, büdcədən 17 milyard 711,9 milyon manat vəsait xərclənib.
Açıqlamaya görə, sentyabrın 1-nə ölkənin bank və digər kredit təşkilatlarının kredit portfeli milli valyuta ekvivalentində 15 milyard 608,0 milyon manat, əhalinin banklardakı əmanətlərinin milli valyuta ekvivalentində məbləği 8 milyard 559,1 milyon manat olub.
Sənayedə artım, sərmayədə eniş
