Gürcü seçkisinin davamı
Gürcüstanın Mərkəzi Seçki Komissiyası oktyabrın 16-sı axşam yerli seçkilərlə bağlı yekun qərar verib. Novator.az bildirir ki, oktyabrın 30-na rəsmən ikinci tur təyin olunub. Həmin gün 20 şəhərdə, o cümlədən paytaxt Tbilisidə merlər, 42 dairədə isə yerli məclislərə boş yerlərin sahibləri seçiləcək.
Oktyabrın 2-də keçirilmiş ilk turda 44 şəhərin mer postu hakim Gürcü Arzusu – Demokratik Gürcüstan Partiyasının namizədlərinə qismət olub. Yerli məclislərdə də Gürcü Arzusu üstünlük əldə edib, sabiq prezident Mixail Saakaşviliyə bağlı müxalif Vahid Milli Hərəkat Partiyası ikinci, keçmiş baş nazir Georgi Qaxariyanın Gürcüstan Uğrunda Partiyası üçüncü yeri tutub.
Parlament respublikası olan Gürcüstanda hökuməti qanunverici orqanda çoxluq əldə edən partiya formalaşdırır. 2012, 2016 və 2020-ci illərin parlament seçkilərində Gürcü Arzusu qalib gələrək hökumət qurub.
Mənbə: Sputnik-georgia.ru
Gürcüstan: seçki və dönüş ərəfəsində
Saakaşvili qayıdış xəbəri yaydı
