ÜDM göstəricisi
Dövlət Statistika Komitəsinin hesabatına görə, 2021-ci ilin yanvar-sentyabr aylarında Azərbaycanda 62 milyard 877,4 milyon manatlıq, əvvəlki ilin eyni dövrü ilə müqayisədə 4,8 faiz çox ümumi daxili məhsul (ÜDM) istehsal olunub, neft-qaz sektorunda əlavə dəyər 1,4 faiz, qeyri neft-qaz sektorunda 6,2 faiz artıb.
Əhalinin hər nəfərinə düşən ÜDM 6279 manat göstərilir.
Novator.az bildirir ki, 1995-ci ildə ölkədə ÜDM əvvəlki ilə nisbətən 11,8 faiz geriləyib.
1996-cı ildən ümumi daxili məhsulun həcmi artıb.
20 ildən sonra ilk tənəzzül 2016-cı ilə təsadüf edib: ÜDM istehsalı 2015-ci ilə nisbətən 3,1 faiz azalıb.
2017-ci ildə 0,2 faizlik, 2018-ci ildə 1,4 faizlik, 2019-cu ildə 2,2 faizlik artım rəsmiləşib.
2020-ci ildə ÜDM istehsalı 2019-cu illə müqayisədə 4,3 faiz düşüb.
