Narkotik dövriyyəsində yüksəliş
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası 2021-ci ilin doqquz ayının yekununa dair məlumat açıqlayıb. Hesabata görə, doqquz ayda ümumilikdə 6737 cinayət faktı aşkarlanıb. Bunun 2440-ı narkotik vasitələrin qanunsuz satışı, 3846-sı narkotik vasitələrin qanunsuz əldə edilib saxlanması, 366-sı qanunsuz olaraq narkotik xassəli bitkilərin kultivasiya edilməsi, 85-i digər cinayətlərdir: “Aşkarlanmış faktlar üzrə qanunsuz dövriyyədən 5 ton 650 kiloqram 584 qram narkotik vasitə və psixotrop maddə müsadirə olunub.
4419 nəfər cinayət məsuliyyətinə cəlb olunub. Həmin şəxslərin 98-i qadındır. Cinayət məsuliyyətinə cəlb edilmiş şəxslərin 45-i xarici ölkə vətəndaşıdır.
2020-ci ilin doqquz ayı ilə müqayisədə narkotik vasitələrin və psixotrop maddələrin qanunsuz dövriyyəsi ilə bağlı aşkar edilən faktların ümumi sayı 2542 fakt artıb”.
