Almaniyada mandat bölgüsü qətiləşdi
Almaniyada sentyabrın 26-da keçirilmiş parlament seçkisinin rəsmi nəticələri bəyan olunub. Novator.az bildirir ki, Mərkəzi Seçki Komissiyasının 15 oktyabr hesabatına görə, Sosial Demokrat Partiyası 206, Xristian Demokrat və Xristian Sosial ittifaqları alyansı 196, Yaşıllar Partiyası 118, Azad Demokrat Partiyası 92, Almaniya Üçün Alternativ Partiyası 83, Sol Partiya 39 mandat əldə edib, 1 mandat kiçik bölgə partiyasına düşüb.
Parlament respublikası olan Almaniyada hökumət başçısı – kansler postunu Xristian Demokrat İttifaqının nümayəndəsi Angela Merkel tutur. 1954-cü il təvəllüdlü Angela Merkel 2005-ci ildən bu vəzifədədir.
