Oktyabrın 13-ü səhər Bakıda ağır avtomobil qəzası baş verib. Mərdəkan qəsəbəsi istiqamətində hərəkət edən yük avtomobili Suraxanı dairəsində 171 saylı sərnişin avtobusuna çırpılıb,
Daxili İşlər Nazirliyinin məlumatına görə, saat 6:40 radələrində aeroport şosesinin Suraxanı rayonu ərazisindən keçən hissəsində baş verən qəza nəticəsində 5 nəfər həlak olub, 25 nəfər müxtəlif dərəcəli bədən xəsarətləri alaraq xəstəxanaya yerləşdirilib. 8 nəfər ilkin tibbi yardım aldıqdan sonra evə buraxılıb,17 nəfərin müalicəsi davam edir.
Suraxanı Rayon Polis İdarəsində yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki və daha çox şəxsin ölümünə səbəb olduqda ittihamı ilə cinayət işi başlanıb. Hadisəni törətməkdə şübhəli bilinən yük avtomobilinin sürücüsü Mahmud Əzizov həbs edilib.
