9 ayın miqrasiya pozuntuları
Dövlət Miqrasiya Xidməti doqquz aylıq hesabat yayıb. Novator.az bildirir ki, statistikaya görə, 2021-ci ilin yanvar-sentyabr aylarında miqrasiya sahəsində qanunvericiliyin tələblərinin pozulması üzrə çıxarılan qərarların 1453-ü cərimə ödəməklə ölkə ərazisini tərk etmək tələbini, 2187-si ölkə ərazisində yaşamanın qanuniləşdirilməsini nəzərdə tutub.
116 qərar ölkədən inzibati qaydada çıxarılmaqla cərimə tətbiqini, 2440 qərar əcnəbilər və vətəndaşlığı olmayan şəxslərin ölkəyə girişinə məhdudiyyəti əhatə edib.
Azərbaycan ərazisində müvəqqəti və daimi yaşamaq üçün icazə sənədinin itirilməsi üzrə 222, əcnəbilərin və vətəndaşlığı olmayan şəxslərin işə cəlb edilməsi qaydasının pozulması üzrə 78, qeydiyyat və sənədlərin rəsmiləşdirilməsi tələblərinin pozulması üzrə 18 qərar çıxarılıb.
