Manatdan baha valyutalar
Novator.az Mərkəzi Bankın rəsmi saytında Azərbaycan manatını üstələyən xarici valyutaların məzənnələrinə nəzər salıb.
Oktyabrın 8-də Küveyt dinarı banklara 5,6364 manata satılır.
İngiltərə funt sterlinqinə 2,3138, avroya 1,9640, İsveçrə frankına 1,8288 manat qiymət qoyulub.
ABŞ dolları 1,7 manatadır.
Rəsmi kursu manatdan yuxarı olan digər valyutalar belə sıralanır:
Kanada dolları -1,3549 manat
Sinqapur dolları – 1,2516 manat
Avstraliya dolları – 1,2416 manat
Yeni Zelandiya dolları – 1,1792 manat.
Dövlət Neft Fondu Mərkəzi Bankın 2021-ci ilin yanvar-avqust aylarında keçirdiyi valyuta hərraclarında 3 milyard 740 milyon ABŞ dolları məbləğində vəsait satıb.
Manatı qorumaq üçün Dövlət Neft Fondu 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edib.
Mərkəzi Bankın hesabatına görə, oktyabrın 1-nə 7 milyard 33,8 milyon dollarlıq valyuta ehtiyatı olub.
